నేడు పెంతెకోస్తు లేదా పవిత్రాత్మ పండుగ. ఒక ముఖ్యమైన పండుగ. ఇది ఈస్టర్ పండుగ తర్వాత 50వ రోజున జరుపుకుంటారు. నేడు శ్రీసభకు ఎంతో శుభదినము! ఆనందదాయకమైన రోజు! పవిత్రాత్మ మనపై వేంచేసిన రోజు. దైవీక జీవితము మానవ హృదయాలలోనికి ప్రవేశించిన రోజు! శ్రీసభ జనించిన రోజు! దేవుని రక్షణ కార్య గొప్ప ఫలితమే పరిశుద్ధాత్మ దిగిరావడం!
ఈస్టర్ (Easter) పండుగ తర్వాత వచ్చే ఏడవ ఆదివారాన్ని (50వ రోజు) క్రైస్తవులు పెంతుకోస్తు ఆదివారం (Pentecost Sunday) గా జరుపుకుంటారు. ఈ రోజున పరిశుద్ధాత్మ దేవుడు (Holy Spirit) అపొస్తలుల మీదకు దిగివచ్చారని, దీని ద్వారా ప్రపంచవ్యాప్తంగా క్రైస్తవ సంఘం (Church) ప్రారంభమైందని విశ్వసిస్తారు.
పెంతుకోస్తు” (Pentecost) అనే పదం గ్రీకు భాషలోని “Pentēkostē” (Πεντηκοστή) నుండి వచ్చింది. దీని అర్థం “యాభైవది” లేదా “50వ రోజు” అని.
మన ప్రభువైన యేసుక్రీస్తు వారు పరలోకానికి వెళ్ళిన తర్వాత, యెరూషలేములో ప్రార్థన చేసుకుంటున్న శిష్యులపై పరిశుద్ధాత్మ అగ్నిజ్వాలల రూపంలో దిగివచ్చింది. దీంతో శిష్యులు వివిధ భాషలలో మాట్లాడటం ప్రారంభించారు.
పవిత్రాత్మ రాకతో, శ్రీసభ ప్రేషిత కార్యము ఈ లోకమున ఆరంభమైనది. పవిత్రాత్మను పొందినవారు ధైర్యముతో యెరూషలేములోను, పలుచోట్లలోను దైవవాక్యమును బోధించిరి. ఈ ప్రేషిత కార్యమునకై ప్రభువే స్వయముగా తన ఉత్థానము తరువాత పలుమార్లు శిష్యులకు దర్శనమిచ్చియున్నాడు.
ఎవరి పాపములనైనను మీరు క్షమించిన యెడల అవి క్షమింపబడును. మీరు ఎవరి పాపములను క్షమింపని యెడల అవి క్షమింపబడవు” (యోహాను. 20:22) అని చెప్పెను. పాపములను క్షమించే అధికారమును ఉత్థాన క్రీస్తు తన శిష్యులకు ఇచ్చాడు. ప్రస్తుత కాలములో, పాపసంకీర్తనము ద్వారా, దేవుని క్షమాపణ కోరేవారు చాలా తక్కువ! పాపము వలన ముక్కలైన ప్రజలను, పాపక్షమాపణద్వారా, దేవునిలో ఐఖ్యపరచడం తిరుసభ కర్తవ్యం.
ఆ పవిత్రాత్మ శక్తి, వరాలు మన పైనకూడా దిగిరావాలని ప్రార్ధన చేద్దాం. ఆయన ప్రేషిత కార్యములో పాలుపంచుకొనునట్లు తగు శక్తిని ఒసగమని వేడుకొందాం!
- Fr Praveen Gopu
By M kranthi Swaroop
