కాంటర్బరీ కొత్త అగ్రపీఠాధిపతిగా సారా ముల్లాలీ
లండన్ - కాంటర్బరీ కొత్త ఆర్చ్బిషప్గా సారా ముల్లల్లి నియమితులయ్యారు. ఈ చారిత్రాత్మకంగా పట్టాభిషేక ప్రతిష్ఠాపన కార్యక్రమం మార్చి 25న కాంటర్బరీ కేథడ్రల్లో జరిగింది. వేల్స్ యువరాజు మరియు యువరాణితో సహా సుమారు 2,000 మంది అతిథుల సమక్షంలో ఘనంగా జరిగింది.
సారా ముల్లల్లి గారు చర్చ్ ఆఫ్ ఇంగ్లాండ్ (Church of England) అధినేత్రి మరియు ప్రపంచవ్యాప్తంగా ఉన్న ఆంగ్లికన్ కమ్యూనియన్ (Anglican Communion) కి ఆధ్యాత్మిక నాయకురాలుగా పనిచేయనున్నారు.
ఆధ్యాత్మిక సేవలోకి రాకముందు నర్సింగ్ రంగంలో ఉండేవారు. 2006లో గురువు అయ్యారు మరియు 2018లో లండన్కు మొదటి మహిళా బిషప్గా నియమితులయ్యారు. బ్రిటన్ ప్రభుత్వానికి చీఫ్ నర్సింగ్ ఆఫీసర్గా కూడా పనిచేశారు.
కాంటర్బరీ ఆర్చ్బిషప్గా సారా ముల్లాలీ నియమితులైన సందర్భంగా, పరిశుద్ధ పోప్ లియో XIV ఆమెకు తన ప్రార్థనలు ఎల్లప్పుడూ ఉంటాయని హామీ ఇస్తూ, "సత్యం మరియు ప్రేమలో... కృప, కరుణ మరియు శాంతి" కలగాలని ప్రార్థిస్తూ ఒక సందేశాన్ని పంపారు .
1966లో పోప్ పాల్ VI మరియు ఆర్చ్బిషప్ మైఖేల్ రామ్సేల మధ్య జరిగిన చారిత్రాత్మక సమావేశాన్ని ఈ సందేశం గుర్తుచేస్తుంది. ఆ సమావేశంలో క్యాథలిక్కులు మరియు ఆంగ్లికన్లు "క్రైస్తవ దాతృత్వం ఆధారంగా సోదర సంబంధాల అభివృద్ధిలో ఒక కొత్త దశకు" తమను తాము అంకితం చేసుకున్నారు. ఈ నిబద్ధత గత అరవై సంవత్సరాలుగా ఫలించిందని పరిశుద్ధ పోప్ లియో XIV గారు నొక్కిచెప్పారు.
తన సందేశంలో, పోప్ లియో XIV గారు ఆ సమావేశం అనంతరం స్థాపించబడిన ఆంగ్లికన్-రోమన్ కాథలిక్ అంతర్జాతీయ కమిషన్ (ARCIC) యొక్క కృషిని ప్రస్తావిస్తూ, అది గొప్ప పరస్పర అవగాహనకు దోహదపడిందని, మరియు ముఖ్యంగా సమకాలీన ప్రపంచ సవాళ్ల నేపథ్యంలో మరింత ప్రభావవంతమైన ఉమ్మడి సాక్ష్యానికి మద్దతు ఇచ్చిందని పేర్కొన్నారు.
డేమ్ సారా ముల్లాలీ (Dame Sarah Mullally) ఆంగ్లికన్ (Anglican) బిషప్. 1994లో చర్చ్ ఆఫ్ ఇంగ్లాండ్ లో మహిళలు తొలిసారిగా గురువులుగా నియమితులయ్యారు, కాగా 20 సంవత్సరాల తర్వాత 2014లో తొలి మహిళా బిషప్ల నియామకాలు జరిగాయి.
Article and Design by M Kranthi Swaroop
