కర్నూలు మేత్రాసనం, గుంతకల్లు విచారణ, ఆరోగ్యమాత పుణ్యక్షేత్రం 8,సెప్టెంబర్ 2024 న మరియ తల్లి జననోత్సవాన్ని ఘనంగా కొనియాడారు.
కర్నూలు పీఠకాపరి మాన్యశ్రీ డా.గోరంట్ల జ్వానాస్ OCD గారు పండుగ దివ్యబలిపూజను సమర్పించారు.
వారు తమ ప్రసంగంలో మరియ తల్లి మానవాళికి రక్షణ ప్రసాదించారని,ఆ తల్లి ఎల్లపుడు దైవ చిత్తాని సంపూర్తిగా ప్రియమైన శిష్యురాలుగా అంగీకరించి మానవాళికి రక్షణలో ఒక ముఖ్యమైన పాత్రను పోషించారని, ఆ తల్లి గొప్పతనాన్ని విశ్వాసులకు భోదించారు.
అనంతపురం, కర్నూలు జిల్లాల నుండి సుమారు 5000 మంది మరియతల్లి భక్తులు ఈ పుణ్యక్షేత్రంలో దివ్యబలి పూజలో పాల్గొని ఆ తల్లి ద్వారా దేవుని యొక్క వరప్రసాదాలను పొందినారు.
20 మంది గురువులు, 30 మంది మఠవాసులు ఈ పండుగ పూజలో పాల్గొన్నారు.
తరలివచ్చిన సకల విశ్వాసులకు మరియమాత భక్తులకు, గురువులకు, మఠవాసులకు, దివ్యబలి పూజను సమర్పించిన పీఠాధిపతులు విచారణ కర్తలు, పుణ్యక్షేత్ర రెక్టర్ గురుశ్రీ కే ప్రతాప్ గారు ప్రత్యేకమైన ధన్యవాదాలు తెలియచేసారు. విచారణ సహాయక గురువులు గురుశ్రీ సూరిపోగుల రవి గారికి కూడా విచారణ కర్తలు ధన్యవాదాలు తెలియచేసారు.
