“శాంతి కోసం నిరంతర పోరాటం" – పోప్ లియో XIV
ఇరాన్ యుద్దం ఆపాలంటూ 14 వ పరిశుద్ధ లియో పాపు గారు ఇస్తున్న పిలుపులకు వ్యతిరేకంగా అమెరికా అధ్యక్షుడు డొనాల్డ్ ట్రంప్ (Donald trump) ఆయనపై వ్యక్తిగత విమర్శలకు దిగారు. దీని పై పరిశుద్ధ లియో పాపు గారు మాట్లాడుతూ “ట్రంప్ పరిపాలన పట్ల గానీ, సువార్త సందేశాన్ని గట్టిగా ప్రకటించడం పట్ల గానీ నాకు ఎలాంటి భయం లేదు అని స్పష్టం చేశారు. తాను యుద్ధాలకు వ్యతిరేకంగా మాట్లాడుతూనే ఉంటానని ఆయన తెలిపారు."మేము రాజకీయ నాయకులం కాదు," అని ఆయన అన్నారు .
ట్రంప్ “అమెరికా విధానాలను విమర్శించే పోప్ తనకు వద్దని, కేవలం అమెరికా అధ్యక్షుడి వల్లే లియో నాయకుడిగా నియమితులయ్యారని అన్నారు. తాను వైట్ హౌస్లో లేకపోతే, లియో వాటికన్లో ఉండేవారు కాదన్నారు.ట్రంప్ వ్యాఖ్యలపై స్పందిస్తూ అల్జీరియాకు విమాన ప్రయాణం సందర్భంగా, పరిశుద్ధ లియో పాపు గారు విలేకరులను ఉద్దేశించి ప్రసంగించారు.అయన మాట్లాడుతూ ట్రంప్తో వాదనకు దిగాలని తనకు ఇష్టం లేదని, కానీ శాంతి సందేశాన్ని కొనసాగిస్తానని చెప్పారు.
ఇరాన్పై ట్రంప్ చేసిన తీవ్ర వ్యాఖ్యలలో “ఇరాన్ మొత్తం నాగరికత నాశనం అవుతుంది” అన్న హెచ్చరికకు, పరిశుద్ధ లియో పాపు గారు “ఇది నిజంగా అంగీకరించలేని విషయం” అని స్పందించారు.
పరిశుద్ధ లియో పాపు గారు ప్రయాణిస్తున్న విమానం రాజధాని నగరం అల్జీర్స్లో దిగగా, అల్జీరియా ప్రజాస్వామ్య గణతంత్ర అధ్యక్షుడు అబ్దెల్మజీద్ టెబ్బౌన్ పోప్ లియోకు స్వాగతం పలికారు.అల్జీరియా లో పరిశుద్ధ లియో పాపు గారి మూడు రోజుల పర్యటన జరగనున్నది .
Article and design by M Kranthi Swaroop
