నవంబర్ 9 అర్జెంటీనాలోని Buenos Airesలో స్పెయిన్ స్మారక స్థూపం వద్ద సుమారు 20 లక్షల మంది విశ్వాసుల సమక్షంలో పోప్ లియో తన తొలి దివ్యబలిపూజను సమర్పించారు.
ఈ సందర్భంగా గృహహింస, కుటుంబాల విభేదాలు, ముఖ్యంగా యువతలో పెరుగుతున్న వ్యసనాలు వంటి సమస్యలపై పోప్ ఆందోళన వ్యక్తం చేశారు.
దేశ చరిత్ర, సంస్కృతి, సమాజంలో కుటుంబమే ప్రధాన విలువలకు పునాది అని, విశ్వాసం, మానవ విలువలు, పెద్దల పట్ల గౌరవం, జీవన పరిరక్షణ వంటి అంశాలు కుటుంబంలోనే నేర్పబడతాయని పోప్ పేర్కొన్నారు.
అర్జెంటీనాలో 1980లో 6.25 లక్షలకు పైగా జ్ఞానస్నానం పొందగా, 2024 నాటికి సుమారు 3.30 లక్షలకు తగ్గాయి, అలాగే వివాహాల సంఖ్య కూడా 1.53 లక్షల నుంచి 20 వేలకు పైగా పడిపోయిందని తెలిపారు.
విశ్వాసాన్ని తరువాతి తరాలకు అందించడం కుటుంబంలోనే ప్రారంభం కావాలని, భోజనానికి ముందు ప్రార్థించడం, నిద్రించే ముందు దేవుని స్మరించడం, పరస్పరం క్షమించుకోవడం, ఆదివారాల్లో దివ్యబలిపూజకు హాజరుకావడం వంటి సాధారణ ఆచరణల ద్వారా విశ్వాసం పెంపొందుతుందని పోప్ వివరించారు.
గతంలో బ్యూనస్ ఎయిర్స్ అగ్రపీఠాధిపతిగా సేవలందించిన పోప్ ఫ్రాన్సిస్ కూడా తన అమోరిస్ లేతీషియా (Amoris Laetitia) పత్రంలో కుటుంబ ప్రార్థన, దేవుని వాక్య పఠనం, దివ్యసత్ప్రసాద స్వీకరణ ద్వారా కుటుంబం... దేవుని ఆత్మ నివసించే ఆలయంగా మారాలని బోధించారని పోప్ లియో గుర్తుచేశారు.
