బెంగుళూరు లో కాన్ఫరెన్స్ ఆఫ్ కాథలిక్ బిషప్ ఆఫ్ ఇండియా (CCBI) 35వ ప్లీనరీ అసెంబ్లీ సమావేశం
బెంగుళూరు, జనవరి 30, 2024 (CCBI): మహా పూజ్య లూయిస్ ఆంటోనియో కార్డినల్ టాగ్లే, ఎవాంజెలైజేషన్ కోసం డికాస్టరీ ప్రో-ప్రిఫెక్ట్, భారతదేశంలోని పీఠాధిపతులను ముఖ్యంగా భారతదేశంలోని విభిన్న సంఘాలలో కమ్యూనియన్‌ను పెంపొందించాలని, నిర్వహించాలని మరియు బలోపేతం చేయాలని కోరుతూ సందేశాన్ని అందించారు. బెంగళూరులో జరుగుతున్న కాన్ఫరెన్స్ ఆఫ్ కాథలిక్ బిషప్ ఆఫ్ ఇండియా (CCBI) 35వ ప్లీనరీ అసెంబ్లీకి హాజరైన పీఠాధిపతులు కార్డినల్ ట్యాగ్లే ఈ ప్రత్యేక సందేశాన్ని అందించారు.
నిజమైన సోదర సహవాసం యొక్క ప్రాముఖ్యతను నొక్కి చెబుతూ, కార్డినల్ టాగ్లే ఇలా పేర్కొన్నారు , "సువార్త ప్రభావవంతంగా మరియు ఫలవంతంగా బోధించబడేలా నిజమైన సోదర సహవాసం యొక్క స్ఫూర్తితో పనిచేయడం చాలా అవసరం. అసమానత లేదా పోటీకి ఎటువంటి ఆస్కారం ఉండకూడదు. ప్రతి సంఘం యొక్క లక్ష్యం క్రీస్తుని యొక్క నమ్మకమైన శిష్యులుగా ఉండటం ద్వారా క్రీస్తు జీవితానికి సాక్ష్యమివ్వడం"
ఈ సందేశాన్ని సిసిబిఐ వైస్ ప్రెసిడెంట్ మరియు మద్రాస్ మైలాపూర్ అగ్రపీఠాధిపతులు మహా పూజ్య జార్జ్ ఆంటోనిసామి తెలియజేశారు.
బెంగుళూరులోని సెయింట్ జాన్స్ నేషనల్ అకాడమీ ఆఫ్ హెల్త్ సైన్సెస్ నర్సింగ్ కాలేజ్ ఆడిటోరియంలో 30 జనవరి 2024 మంగళవారం నాడు 35వ ప్లీనరీ అసెంబ్లీ ప్రారంభమైంది. భారతదేశం మరియు నేపాల్‌కు అపోస్టోలిక్ న్యూన్షియో, అగ్రపీఠాధిపతులు మహా పూజ్య లియోపోల్డో జిరెల్లి ఈ వేడుకకు అధ్యక్షత వహించారు. ప్రపంచ శాంతి కోసం మరియు కష్టాలను ఎదుర్కొంటున్న మణిపూర్‌లోని ప్రజల కోసం ప్రత్యేక ప్రార్థనలు చేశారు.
దివ్యబలిపూజ తరువాత పవిత్ర ఆత్మకు ప్రార్థనతో ఈ సదస్సు ప్రారంభమైంది, సాంప్రదాయ శ్లోకం ‘వేణి క్రియేటర్ స్పిరిటస్’ పఠించడం ద్వారా గుర్తించబడింది. సభ ప్రారంభానికి ప్రతీకగా ప్రముఖులు సాంప్రదాయ భారతీయ దీపాన్ని వెలిగించారు.
సమావేశానికి అధ్యక్షత వహించిన మహా పూజ్య ఫిలిప్ నెరి కార్డినల్ ఫెర్రో, CCBI అధ్యక్షుడు మరియు గోవా మరియు డామన్ అగ్రపీఠాధిపతులు అపోస్టోలిక్ నన్షియో మహా పూజ్య లియోపోల్డో జిరెల్లి గారు సమావేశాన్ని లాంఛనంగా ప్రారంభించారు.
సిసిబిఐ వైస్ ప్రెసిడెంట్ మరియు మద్రాస్-మైలాపూర్ అగ్రపీఠాధిపతులు మహా పూజ్య జార్జ్ ఆంటోనిసామి గారు సభకు స్వాగతం పలికారు. CCBI వార్షిక నివేదికను CCBI సెక్రటరీ జనరల్ మరియు ఢిల్లీ అగ్రపీఠాధిపతులు మహా పూజ్య అనిల్ కౌటో సమర్పించారు. సిసిబిఐ డిప్యూటీ సెక్రటరీ జనరల్ రెవ. డాక్టర్ స్టీఫెన్ అలత్తర ధన్యవాదాలను ప్రతిపాదించారు. హైదరాబాద్ అగ్రపీఠాధిపతులు మహా పూజ్య కార్డినల్ పూల అంతోని గారు ప్రార్థనతో ప్రారంభ సమావేశం ముగిసింది.
అసెంబ్లీ సందర్భంగా, ఇటీవల నియమితులైన పీఠాధిపతులను సభ్యులుగా స్వాగతించారు మరియు కాన్ఫరెన్స్‌లో మరణించిన సభ్యులకు గౌరవం మరియు స్మారక చిహ్నంగా ఒక క్షణం మౌనం పాటించారు.
ప్రపంచవ్యాప్తంగా భ్బర్టా కథోలికులందరిని అనుసంధాన పరచడానికి రూపొందించిన మొబైల్ యాప్ ప్లాట్‌ఫారమ్ 'కాథలిక్ కనెక్ట్' అధికారికంగా ప్రారంభించబడింది. ఈ యాప్ అత్యవసర సేవలతో పాటు ఆధ్యాత్మిక వనరులు, సంబంధిత వార్తల సమాచారం, ఆరోగ్య బీమా, విద్య, ఉద్యోగాలు మొదలైన సదుపాయాలను అందిస్తుంది. అదనంగా, వినియోగదారులు సమీపంలోని చర్చిలను కనుగొనవచ్చు మరియు భారతదేశంలో శ్రీసభ అందించే సేవలను పొందవచ్చు.
132 మేత్రాసనాలు మరియు 196 మంది పీఠాధిపతులను కలిగి ఉన్న భారతదేశంలోని లాటిన్ కాథలిక్ చర్చ్‌ను ప్రభావితం చేసే అనేక విషయాలపై CCBI యొక్క ఒక రోజు సమావేశం చర్చించింది.
CCBI, దాని 16 కమీషన్‌లు, 7 డిపార్ట్‌మెంట్‌లు మరియు 4 అపోస్టోలేట్‌ల ద్వారా భారతదేశంలో సంఘానికి సేవలందిస్తుంది. ప్రధాన సచివాలయం బెంగళూరులో ఉంది, గోవా, ఢిల్లీ మరియు మధ్యప్రదేశ్‌లోని పచ్‌మరిలో కార్యాలయాలు ఉన్నాయి.
కానానికల్ నేషనల్ ఎపిస్కోపల్ కాన్ఫరెన్స్‌గా, కాన్ఫరెన్స్ ఆఫ్ కాథలిక్ బిషప్స్ ఆఫ్ ఇండియా (CCBI) ఆసియాలో అతిపెద్దది మరియు ప్రపంచంలో నాల్గవ అతిపెద్దది.
